Play Kijiye. ऑडियो सुनिए. آڈیو سنیے۔
Huzur Tajushshariya Alaihir-Rahma Ke Wesal Ko 1 Saal Se Ziyada Arsa Hua. Unke Jaane Se Jo Kami Hui Hai, Usko Pura Karna Hamare Liye Mumkin Nahi Lekin Unho Ne Gulshan E Sunniyat Mein Jo Paude Lagaye, Jin idaaro’n Ko Qaa’im Farmaya, Unhe Prawaan Chadha Kar Aur Sunniyat Ke Farog Ke Liye Jin Bato’n Ka Aap Ne Hukm Ya Mashwara Diya Hai Un Par Amal Karke Hum Unke Mission Ko Zinda Rakh Sakte Hain Aur Agli Nasal Tak Pahuncha Sakte Hain.
Huzur Tajushshariya Alaihir-Rahma Ne Apne Peechhe Ummat Ki Rahnumaa’i Ke Liye Jaha’n Apni Be-Shumar Kitabo’n Aur Fatwo’n Ka Khazana Chhoda Wahi’n Aap Ne Azeem islami University Jamiatur-Raza Aur Shara’i Council Of India Ki Buniyaad Rakh Kar Rahti Duniya Tak Shariyat e Mustafa Ki Tableeg Aur Hifazat Ka intezam Kar Diya. isi Tarah Aap Ne Ma’aashre Ki islah Aur Har Ghar Me islam Ki Sahi Taleem Pahonchane Ke Liye Jamat Raza E Mustafa Ke Zere Ehtemam Raza Audio Channel Shuru Karne Ki Ejazat Bhi Ata Farmai Aur Apne Mubarak Haatho’n Se is Ka iftetah Kar Ke is Ki Kamyabi Ke Liye Dua Farmai Aur Musalmano’n Ko ise Aam Karne Ka Mashwara Diya. Tafseel Ke Liye Niche Click Kijiye.